|
Gaye Mausam Mein Jo Khilte The Gulabon Ki Tarah,
Dil Pe Utrenge Wohi Khwab Azabon Ki Tarah,
Raakh Ke Dher Pe Ab Raat Basar Karni Hai,
Jal Chuke Hai Mere Khaime, Mere Khwabon Ki Tarah,
Saat-E-Deed Ke Aariz Hai Gulabi Ab Tak,
Awalei Lamhon Ke, Gulnaar Hijabon Ki Tarah,
Wo Samundar Hi To Phir Rooh Ko Shadab Kare,
Tishnagi Kyon Mujhe Deta Hai Sarabon Ki Tarah,
Yaad To Hongi Wo Baatein Tujhe Ab Bhi Lekin,
Shelf Mein Rakhi Koi Band Kitabon Ki Tarah,
Kaun Jaane Ke Naye Saal Mein Tu Kisko Padhe,
Tera Meyyar Badalta Hai Nisabon Ki Tarah,
Shokh Ho Jati Hai Ab Bhi Meri Aankhon Ki Chamak,
Gahe Gahe Tere Dilchasp Jawabon Ki Tarah,
Hijr Ki Shab, Meri Tanhayi Pe Dastak Degi,
Teri Khushbu Mere Khoye Hue Khwabon Ki Tarah...
|
09-05-2007 02:30 AM