Gham mujhay...

Gham mujhay hasrat mujhay vehshat mujhay sauda mujhay
aik dil day k Khuda ne day dia kya kya mujhay

hai hasool-e-aarzu ka raaz tark-e-aarzu
men ne dunya chor di to mil gai dunya mujhay

keh k soya hoN ye apnay iztiraab-e-shauq se
jab vo aaye.N qabr par foran jaga dena mujhay

subh tak kya kya teri umeed ne taanay diye
aa gaya tha shaam-e-Gham ek neend ka jhonka mujhay

dekhtay hi dekhtay dunya se men uTh jaonga
dekhti ki dekhti reh jaayegi dunya mujhayy...