Thread: Khwaab Tute Hue

Khwaab tute hue, dil dukhaate rahe,
Der tak woh hume yaad aate rahe,
Kaat lee aansuon mein judaai ki raat,
Sher kehte rahe, gane gungunaate rahe…
Tere jalwe paraaye hue magar gum nahi,
Ye tassalli bhi apne liye kam nahi,
Humne tumse kiya tha jo wafa ka vaada,
Saans jab taq chali, hum nibhaate rahe…

Kisko mujrim kahein ab karein kya gilaa,
Rishta tuta, na unki na meri thi razaa,
Apni kismat mein kabhi woh thi hi nahi,
Khwaab palkon pe jiske sajaate rahe...