Thread: My latest GHAZAL

Khayalon ko alfaz ki chadar de dena
Yaad aaoon main to kahin naam likh dena

Teri zulf ka main aseer ho gaya hoon
Baat karni ho gar to zulfain bekher dena

Hota hai din yahan to teri chashmagi se
Jab rat kani ho aankhain band kar dena

Hota hai chaman paresha.n teri udasi per
Tum khush ho lena baagh main phool khila dena

Teri hansi per yahan badalte hain mausam
Tum mukara kar baharon ko sharma dena

Tere galo.n se yahan ke jalte hain gulab
Tum ghusa dikha kar unhain khak kar dena

Baton se teri rehti hai yahan ronaq
Tanhaiyan apni tum mujhe de dena

Tere haath rakhne se aagayi mujh main jaan
Woh maujza-e-maseehai zara phir se dikha dena

HASSAN to hai yahan zaleel-o-khuwar
Tum naam le kar urooj de dena