Na'at-e-Rasool-e-Maqbool (PBUH)-(Zubia Kiran)

Na'at-e-Rasool-e-Maqbool (PBUH)
Chale na imaan eik qadam bhi
agar tera humsafar na tehray.
tera hawala diya na jaye tu zindagi
mutebar na tehray.

Tu saya-e-haq pehan ke aya,
har zamane pe tera saya.
teri nazar har kisi pe lakin..
kisi ki tuj pe nazar na tehray.
Laboon pe ayaat-e-nastaein hai,
aur haqeqat pe bhi yaqeen hai,
agar main bejhoon darood tujh par
koi dua be asar na tehray.
Tujhe main chahoon aur itna chahoon,
ke sab kahien main tera naqsh-e-pa hoon,
tere nishaan-e-qadam ke agay
koi bhi rah guzar na tehray.
Haqeqat-e-bandagi ki rahien,
Madina Tayibah se guzrien,
mile na usko khuda bhi,
jo teri dehleez par na tehray.
Yeh mere Aansoo kheeraj mera,
mera tarpna elaaj mera,
marz mera iss maqam par hai,
jahaan koi charagar na tehray.