"Kaha tha na!


Kaha tha na!
Mujhay tum iss tarah sootay huay matt chor ker jana
Mujhay bayshak jaga daina
Bata daina
Muhabbat k safar main saath mairay chal nahin saktay
Judai main, hijar main saath mairay jul nahin saktay
Tumhain rasta badalna hai
Mairi hadd se nikalna hai
Tumhain kis baat ka durr tha
Tumhain jaanay nahin daitay
Kahin per qaid ker laitay
Array PUGLAY!
Muhabbat key tabiyat main zaberdasti nahin hoti!
Jissay rasta badalna ho
Ussay rasta badalnay se
Jissay hadd se nikalna ho
Ussay hadd se nikalnay se
Na koi rok paya hai
Na koi rok paey ga
Tumhain kiss baat ka durr tha
Mujahy baishak jaga daitay
Tumhain main daikh hee laitee
Tumhain koi dua daitee
Kam-az-kamm yuN tu na hota
Mairay Saathi! Haqeeqat hai
Tumharay baad khonnay k Liay kuch bhee nahin baaqi
Mager khonnay say durti hoon
MAIN AB SONAY SAY DURTI HOON!
MAIN AB SONAY SAY DURTI HOON!