Palkon pe aansuon ko sajaya na ja saka
us ko bhi Dil ka haal bataya na ja saka
zakhmon se choor choor tha yeh Dil mera
aik zakham bhi us ko dikhaya na ja saka
jab teri yaad aayi to koshish ke ba wajood
aankhon main aansuon ko chupaya na ja saka
kuch log zindagi main aise bhi aaye hain
jin ko kisi bhi lamhein bhulaya na ja saka
bas ais khayaal se kahin us ko dukh na ho
hum se to haal-e-gham bhi sunaya na ja saka
woh muskura raha tha mere ru-ba-ru magar
chehre ka rang us se chupaya na ja saka
tanhaiyon ki aag main hum jal gaye
magar faasla aana ka mitaya na ja saka