" Apna Bana Lo Mujhko "


Apni Aaghosh Main Ek Roz Chupa Lo Mujhko
Ghum e Dunya Se Meri Jaan Bacha Lo Mujhko

Tumko Day Di Hain Eshaaro Main Ejazat Maine
Maangne Se Na Milu To Phir Chura Lo Mujhko

Apne Saaye Se Bhi Ab To Mujhe Dar Lagta Hain
Ho Jo Mumkin To Nigaaho Main Chupa Lo Mujhko

DiL Main Nakaam Tamannaao Ka Tufaan Sa Hain
Meri Uljhan Meri Wehshat Se Nikaalo Mujhko

Tumko Likhna Hain Kisi Roz Yeh Khat Main Tishna*
HM To Khud Ke Bhi Nahi Apna Bana Lo Mujhko...