Ye neela aasmaan jab mujh pay hansa tha,
wo pathar bhi to us dam ro para tha,
Tairee palkain bhi geeli ho rahi thi,
mairee aankhon main bhi daria khara tha,
Jo utra panio main to ye jana,
samandar ishq ka gehra bara tha,
Kabhi tanhayon main sochta hon,
k main kitni bulandi say gira tha,
Tujhay apna bananay k liay main,
hathaili ki lakeeron say lara tha,
Mairay hi samnay subha huee thi,
mairay hi samnay jugnu mara tha,
Tujhay bhi dobna tha panio main,
kia teray pas bhi kacha ghara tha,
Un ki aankhon ka haseen paigham parh k,
Zamanay k khudaon say dara tha,
Dil ki weeran basti main wo
kisi ki yad ka poda hara tha.
