*** MUHABBAT CHUP NAHI REHTI ***
Vo Kehti Hay, Kisi Ko Mat Bata Dena Mery Baray
Main Kehta Hoon, Magar Ik Geet Ko Aur Chandni Shab Ko
Vo Kehti Hay, Yeh Saray Log Kiun Baatein Banatey Hain?
Main Kehta Hoon, Meri Jaan Yeh Muhabbat Ka Muqaddar Hay
Vo Mujh Se Poochti Hay, Bey Saro Saman Kab Se Ho?
Main Uss Se Poochta Hoon, Iss Qadar Nadan Kab Se Ho?
Vo Mujh Se Poochti Hay, Kon La Waris Hay Maqtal Mein?
Main Kehta Hoon, Vohi Jo Qatal Karney k Liye Aaye
Vo Kehti Hay Shehar Ki Halat Ka Kya Hoga?
Main Kehta Hoon, Kisi Din To Balayein Laut Jayein Gi
Vo Mujh Se Poochti Hay, Karbala Kya Phir Bapa Hogi?
Main Kehta Hoon, Nahi, Ab Iss Qadar Tanha Nahi Koi
Vo Kehti Hay, Suno Jaana...Mujhay Tum Se Muhabbat Hay
Main Kehta Hoon, Meri Jaan Tum To Khud Meri Rayazat Ho
Main Kehta Hoon, Muhabbat Kayanatii Geet Hoti Hay
Vo Thora Gunguna k Aansooun Mein Doob Jati Hay
Vo Mujh Se Poochti Hay, Har Taraf Ik Bey Kali Kiun Hay?
Main Kehta Hoon, Koi Anjaam Aa Pahuncha Hay Basti Mein
Vo Boli, Dard k Uss Paar b Ik Dard Hota Hay
Main Uss k Baad Kitni Dair Tak Kuch b Nahi Bola...
I M What i Call i m "i m Loaded hell"
http://www.123glitter.com/comments-g...file/11208.gif