chalo tumko bata'tay hain
keh tumko dekh kar dil nay
kaha keh tum rishta e jaan say bhi barh kar ho
dua ki sarhadon par
jo adhori hay, meri aisi tamanna ho
meray dil ka mukaddar ho
keh tum ikk roshni bann kar, shifa lay kar
kabhi dast e maseeha ki tarha
itray hoi, har zakhm dil par ho
chalo tumko batatay hain
keh tum imaan hamara ho
saraai dohr mein, andesha e zindagaani mein
tum hi dil ka sahara ho
jo rooh kay asmaan pay jagmagaya hay mohabbat say
suhaani shaam ki chahaton ka pehla tara ho
wafaa ka ista'aara ho
chalo tumko batatay hain