*~*Khurram's Collection*~*

[mkhurram2k7]

Aankho me khushi,Labon pe hasi.
Gam ka kahi naam na ho.

Aapko jahaan ki saari khushiyan milain,
In khushiyon ki kabi shaam na ho.

[mkhurram2k7]

"Agar wo Mehrban Hota"
ToMeri be-noor ankhon mey sitary qaid kar deta,
Meri zakhmi hatheli pe wo koi phol rakh deta,
Mere hathon ko apne hath mey le kar wo ye kehta
"Mohabat roshni hai, Rang hai, Khushbo hai, Sitara hai,
Qasam mujh ko mohabat ki mujhe tou sab sey pyara hai".
Magar wo aisa tab kehta, "AGAR WO MEHRBAN HOTA"

[mkhurram2k7]

"Chaha To Bohat"
Chaha tu bohut tha lekin wo mila hi nahi,
Laakh koshish ki mager yeh fasla mita hi nahi,
Na jany zamany ny mujboor is qader ker diya,
Ky wo meri kisi sada pay thera hi nahi,
Mien tamam ter koshishoo ky bawajoud har gaai,
Wo usay mil gaya jis ny is ko manga hi nahi,
Her ik say poucha tery na milny ka sabub,
Her ik ny kaha wo tery liye bana hi nahi,
Itni shiddut say chaha tha us ko,
Is duniya may shayed wafa ka sila hi nahi

[mkhurram2k7]

Har Lamha Tere Yaad Ki Khushbo Hay Meray Pass
Is Shehar Main Tanha Hon Magar Tu Hay Meray Pass
Jis Shakal Ko Chahon Tere Soorat Main Badal Doon
Yeh Husan_e_Tasawar Hay K Jado Hay Meray Pass

Rakhta Hay Sada Jo Mere Raton Ko Mua’atar
Who Teray Badan Ka Gul_e_Khushbo Hay Meray Pass

Kia Mujh Ko Pasand Aaian Gay Is Shehar K Naghmay
Tu Hay Mere Koyal Tere Koko Hay Meray Pass

Kyon Thamon Ga Main Janan Kisi Aur Ki Banhein
Paihnay Huay Kangan Tera Bazo Hay Meray Pass

ab Chahon Qateel Us K Nagar Tak Mujhay Lay Jayei
Sochon Ka Chamakta Hua Jugno Hay Meray Pass…!

[mkhurram2k7]

( waqat )

Suna tha waqat marham hai,har zakham bhula deta hai
har guzra lamha ham ko to,ek zakham niaa deta hai.

Raat ki rani hai yaa teri yaadun ki khushboo
kuch to hai,jo aangan meray ehsaas ka mehka deta hai.

Gar teray khayaalon mein kho kar,neend aa bhi jaey
aa kar khawaboon mein,tera tasawar,ham ko jaga deta hai.

Khush hote hain tasawar mein tumain qareeb dekh kar
shaid mil na paein ham,yeh khadsha sehma deta hai.

Dil bahot nazak hai,gham se bhar na aaey kion
pathar pe chott lage to woh bhi saza deta hai.

Dushman hai zamana mohabbat karne walun ka azal se
in dooriun,judaiun ka ehsaas rula deta hai.

Yaad aata hai tera wada,jewan bhar saath nibhane ka
to KOMAL ke dil mein umeed ki,shama jala deta hai

[mkhurram2k7]

WO KON HAI JO DAIKHAI NA DAI

wo kon hai jo deikhai na dai
dil key kissi ajnabhi rastey per chaley ja raha hai

wo kon hai jo deikhai na dai

wo hi qadmoo ki ahat milli jis taraf bhi main janey lagi
kaisi surat hai ye izhar ki

wo kon hai jo deikhai na dai

teri yadoon main gum hogai
janti hoon key tu mera nahi
kaisey dhokey main khud aa gai

wo kon hai jo deikhai na dai
dil key kissi ajnabhi rastey per chaley ja raha hai

[mkhurram2k7]

dil ke aaino pe tum aitbaar kerlete...
musamon ke khulne ka intazar kerlete...
sheher chhod jaane ki thi tumhein buhat jaldi...
ye na kersake mera dukh shumaar kerlete...
tum to her taaluq hi saath legaye apne...
kaash ye bichhad jana tum udhaar kerlete...
ik tumhare milne ki aas to bandhi rehti...
raasta koi aisa ikhtiyaar kerlete...
ishq mein bhi tum ne faidey hi sochey the...
kaash tum koi behtar karobar kerlete...

[mkhurram2k7]

Har Muhabbat Wafa Nahi Hoti
Har Wafa Adda Nahi Hoti
Kya Tamanna Ki Ab Zaroorat Hai
Puri Koi Dua Nahi Hoti
Mil Gaye Har Aik Gaam Per!
Doosti Woh Dawa Nahi Hoti
Sab Key Hathoun Mey Hain Diyeh Lekin
Roshni Ayye Khuda Nahi Hoti
Assmaan Yeh Qayaam Ho Ga Abb
Qeemat-E-Zameen Adda Nahi Hoti
Dhondtey Kya Ho Shehar Mey Abb
Har Soraat Tu Ashnaa Nahi Hoti...

[mkhurram2k7]

Is hasrat se mila kya mujhko
Ik jhalak mere dildaar ki
Is muhabbat se mila kya mujhko
Bechaini-o-beqarari yaar ki,
Is ashiqui se mila kya mujhko
Ik sunahari raah ishq ki,
Aur tere pyaar se mila kya mujhko
Ik raah jeene ki hamvaar si.

[mkhurram2k7]

Samander poochta hai ab wo dono kiyu nahi attey
wohi donno jo bhegee reet per
ek dosarey ka haath thammay door taak
kabhi hansttey,kabhi kuch gungunattey
ya kabhi chup chap bhiatay duur ufaq ki goodh may
ropposh honay walla sooraj dekhttey
ansoo bhahattey loat jattey!
Samander poochta hai ab wo donno kiyun nahi attay
jo attay thay to apnay saath kitnay khuwab lattey thay
kabhi sahi say dehairoon Seepiyaa chunttey thay
Nangay paoo pani may challey attey thay
bhegi reet say nannay gharondhay bhi banattey thay
aur unmay seepiya,rangeen say kuch sangreezay yu sajattey thay
kay jaisay aj kay jugnoosay lamhay
anay walley kal ki moothhi may chupattey thay!
Samander poochta hai ab wo donno kiyun nahi attay
mager samander nay khiza ki siskiya laiti howaa
ek shaam ko wo nojawanno ko nahi dekha
jo dair taak tanha sarey sahil raha bhaitta
phir ussnay dair sarey khaat
buhut say phool sookay aur tasveeray
aur apnay akhri ansoo
samander kay hawalley kerdiyey..