Sard raaton ki tanhaai mein

[monica_barbara]

Sard raaton ki tanhaai mein,
Hum teri yaadon ke chirag jalaye baithe hain.
Kabhi to tum zindagi ki haqeeqt banogi,
Sochkar palkon mein khwab sajaye baithe hain!

Tumhare saath ke lamhe har waqt sata-te hain,
Ab tumhare aane ki bus aas lagaye baithe hain.
Aankhon mein ashkon ko ab rok nahi pate,
Ki dil ko bilal sambhale huye baithe hain!

Kaash tum mere dard-e-dil ko samajh paao,
Hum jo seene mein abhi tak dabaye baithe hain.
Par woh jo humse dard bayaan nahi karte,
Rehkar khamosh kaun sa raaz chhipaye baithe hain!

Khushi bhale thodi si par dene ke liye shukriya,
Paigam tere bheje huye seene se lagaye baithe hain.
Hai ek tasveer bhi nighahon mein teri,
Bus ab usiko mann ki murat banaye baithe hain!

Tujhe yaad karna teri raah takna har dum,
Sab bhulakar ab yeh ek naya kaam liye baithe hain,
Janta hoon tujhe paane ka anjaam “e-naaz”,
Phir bhi hum naadan tumhi se dil lagaye baithe hain...

[eastwast]

very nice ...

[janki]

me

very nice...