Hijr-o-visaal

[Brijinder]

Hijr-o-visaal


FazaoN ko phir vajeh si mil gayee mahakane ki
Afsurda badaloN mein se chand phir muskuraya hai
Takhleeq meri meinNphir aaney lagey hain shokhioN ke dum
Labon pe phir koyee mast naghma ubhar aayaa hai

Phir se gaataa hai malhaar saaz-e-zeest mera
Phir se chayee hai takkh_ ul pe aarzuonN ke ghataa
Jhumti bal khaati hai barq umeedon ki
Phir se wafa ki zard aarizoN mein noor bhaa

Meri tanhaee bhi soyee hai aaj umroN ke baad
Main bhi khud se mila huin baad muddat ke
Dard ki aankhon mein bhi hein aaj massrrat ke aansoo
Tamanna ko milay phir se pairhan haqeeqat ke

Besood nahin mahabbat ki wus_ ataiN
Dil phir yeh mananay ko karta hai
Khirad phir beybus si khari hai
JunooN phir jaagney ko karta hai

Aaj tu aayee hai to pathra gayee hai shikvon ki zubaaN
Kho gayay hain gilonN ke bol kahinN khalaaonN meinN
Meetha taanaa sa deytaa hai beetee udaasee ka chehra
"Bhool gayaa hai "Sagar" usey vasl ki shuaon meiN"

Abhi kuch pal meinN toot jayega waqt-e-vasl ka dum
Phir se laut jayeNgey hum liye majboorioN ke daaman
Tu meri ho ke bhi meri na hogi kabhi
Teri majbooriaN hain yeh duniya ke bemaar aqayud
Main bhi majboor huuN in haalaat ke haathon humnufs meri
Aatee rahaa karo milnay jab talak mumkin hai
KyuoN na tab talaq ishq ko apnay
vajah miltee rahey jeeney ki
__________________

Afsurda-Udaas, Takhleeq-Rachna,
saaz-e-zeest : instrument of life
takkh_ ul -Kalpana, barq- Lightening
aarizoN- Cheeks, pairhan- libaas
Besood-useless, wus_ ataiN-Vishaalta
Khird-Intellect, Junoon-passion,diwaangi
shuaon-rays, waqt-e-vas- Milan ka waqt
aqayud- usool aur riwaaz
humnufs- meri jaan(beloved),

[snow white]

nice one..........

[Brijinder]

thanks a lot for the kind words.