Results 1 to 4 of 4

Thread: ye abba jo humhare hein, ye abba jo humare hein

  1. #1
    ye abba jo humhare hein, ye abba jo humare hein
    kehte hei humse roz ye, chote tumne ye bigade hein

    bache jo nikle haath se, baat karte hein pehle laat se
    mera qusoor hei nahi, qusoorwar issme sare hein

    bachon ko jab chutian mile, le bahir jana chahiye
    humare chote chutiya juti khake hi guzare hein

    bhai nau saal ka ye kahe, mobile mujh ko chahiye
    har saal apni list ko, wo aise hi badha rahe hein

    dosra to phool phool kar yu kadu jaisa ho gaya
    cole ko pani roti ko hawa, samajh ke khate ja rae hein

    choti behan ka ab kya kahoo, susti hi susti chahi hei
    school jane ke waqt bhi, khwaab unko aate jarae hein

    teesre ki kya mein baat karon, unka kuch aisa haal hei
    bilawajah dhote hein haath, atharwa ye saal hei

    bachon ko bachpan hi se yu, had unki batani chahiye
    ab dekhiye sar humara, wo kaise khate ja rahe hein

    kuch apne bare mein bhi humein, kehna zara sa chahiye
    london mein achi job thi, oslo mei dhake kha rae hein

    ye abba jo humhare hein, ye abba jo humare hein
    kehte hei humse roz ye, chote tumne ye bigade hein

  2. #2

  3. #3
    Jo chaho agar to tum aisa karo!

    Ahsaas kay saray rishtay tor do
    Piyaar kay saray bandhan khol do
    Dil say apnay bhula do mujhay
    Aur phir kabhi na yaad aaoo mujhay

    Dua hai meri khuda say kayh!

    Har qadam tumhara manzil ki taraf uthay
    Aakash kay sitaro ko choo lo tum
    Khushiyan har dam tumhari raha takay
    Jugnuoo ki tarah jhilmilaoo tum

    Kaash kay aisa ho jaye!

    Kisi qadam par mehsoos na ho kami meri
    Kisi maqam per mujh ko yaad na karo tum
    Khushiyo may aisay apni magan raho
    Kabhi mazi kay warq na palto tum

    Magar yeh bhi yaad rakhna!

    Agar kisi manzil per pahaunch kar koi dard mil jaye
    Aankh tumhari jo kabhi pur nam ho jaye
    Kabhi kisi apnay ki kami mehsoos karo to

    To tum mujhay pukar laina

    Aur agar yeh bhi na kar pao to!

    Dil ko apnay simayt laina
    Aur bas yaad mujhay tum kar laina
    Aankho kay duwaro ko band kar laina
    Mehsoos mujhay tum kar laina

    Aur phir yun karna kay!

    Saray raaz apnay dil kay Tum mujh say keh laina
    Saray dard apnay dil kay Tum mujh say baant laina

    Bas meri ek aakhri khuwaish yaad rakhna!

    Jab meri hayat ka safar tamam honay lagay
    Meray qadam meri akhri manzil ki taraf rawan honay lagay
    Mujhay lahayd tak lay janay walay chaar apnay kandho may
    Ek kanhdha tumhara bhi ho

  4. #4

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •