My Master Pieces (New POEMS Added)

[zohaib1]

Re: My Master Pieces (Updated)

Bewafai itni to maine nahin ki
Jis ki is qadar saza hai mili

Kuch dosh hai mera mana maine
Kuch qusoor hai uska is se bhi inkaar nahin

Mana ke main tarpa hoon us ki yaad main
Per kuch kami mohabbat main to nahin ki

Shola-e-ulfat kuch hain wahan bhi
Yeh meri mohabbat ik tarfa to nahin

Ab to sochta hoon kar daloon pehal
Pyar main to chota bada nahin koi

[zohaib1]

Tera hijab jo hata hua kia haal hai mera
Ruk sa gaya hai yeh safar
Tham see gayi hai zindagi
Havaon ne aakar yeh mujh se kaha hai
Buhat haseen hai tera sanam
Aate jaate logon to pata bhi nahin
Tu kaun hai yeh jante bhi nahin
Hota jo kuch mere bas main agar
Bicha deta phool teri rahon main main
Teri ik jhalak ka hai itna asar
Gar mil jae tu mujh ko kia kar jaoon main
Main jaanta khud nahin

[zohaib1]

Ik aas hai dabi dabi, ik pyaas halki halki
Pyar ka bhooka hoon main, hua hai ehsaas abhi abhi

Bachpan se hasraton ka gala ghont raha hoon
Koi to ho jae poori ab is umer main

Barson tarpa ke mil jae koi pyar karne wala
Ab to saya bhi apna, saath chor raha hai

Kahan jaoon, main kis se karoon faryad
Apna to rafeeq-o-ghum gusaar nahin koi

Mudaton se hai intezar ik ajnabi ki aamad ka
Is sheher amin ab to koi aata jaata nahin

Karen kia hai yeh gham-e-muaash hamain
Jeena nahin deta mot bhi magar nahin aati

Faraar ho kaise mumkin ab is qaid khane se
Malik-ul-mot hai zamin koi doosra nahin

Sirf is per nahin bas hain aur imtihan aage
Qabar bhi hai qaid khana koi gulistan nahin

[zohaib1]

Zulm hum yun hi sehte rahen ge
Zubaan se ab aur na hum kuch kahen ge

Is bazm-e-jan-o-tan main, ta dam-e-waqt-e-marg
Pyar ke is deepak ko hum khoon se roshan karte rahen ge

Chahe na de koi saath mera, saaya bhi moonh mor le
Apni qasam ko hum to bas yun hi nibhate jaenge

Yeh waqt-e-tishnagi hi sahi, meri ulfat ka imtihaan hi sahi
Saboot-e-mohabbat hum to yun hi duniy ko dikhate rahen ge

Ho gaye gar khatam aansoo, in aankhon main to
Lahoo ko ashk jan kar hum nainon se apne bahate rahen ge