Teray naam

Discussion in 'Original Urdu Poetry' started by Brijinder, Jul 7, 2010.

  1. Brijinder

    Brijinder New Member

    Messages:
    67
    Teray naam

    Jab tu meri aagosh maiN hoti hai
    Teri admundhi aankhain
    Teray laraztay huay hoNt
    Daitay hain bahut si ankahi baatoN ka pataa
    Teray jism ki haraarat
    UnglioN ki shraarat
    NihaaN jaanay kitnay maikhaanoN ka nashaa

    Jhatak kar khol daiti ho
    Jab tum ghanay syaah gaisu
    Aur bar jataa hai un paloN ka khumaar
    Phir shiddat say woh jazba
    Hai rooh tak mehsoos hotaa
    Kartay hain jism jab us pyaar ka izhaar

    Purmaaeni ho jaati hai meri hayaat
    Hoti hai beshak mukhtsar si hamari mulakaat

    Jab tu meri aagosh maiN hoti hai!Sach!
    Meri zad maiN hoti hai jaisay saari qaaynaat

    ------------------------------
Similar Threads: Teray naam
Forum Title Date
Original Urdu Poetry Teray naam Sep 10, 2010
Mehfil apni zindagi k har shaam teray naam kar doon Jul 27, 2007
Mehfil Teray firaaq kay lamhay shumaar kartay howay May 10, 2008
Mehfil sher meray sab ghazlain meri sab teray nazranay hain Sep 9, 2007
Mehfil Teray Galay Mein Jo Bahon Ko Daal Rakhtay Hein Sep 1, 2007

Share DesiTwist